சமைக்கும் போது மிகவும் கவனமாக இருக்க வேண்டும். தீ விபத்து ஏற்பட அதிக வாய்ப்பு உள்ளது. ஏப்ரான் அணிந்து சமைப்பது நல்லது. பர்னருக்கு மேலே அலமாரி செல்ப் இருக்க கூடாது.

சமையல் முடிந்தவுடன் ரெகுலேட்டரை அணைத்து விடவேண்டும். ரப்பர் குழாயில் ஏதாவது வெடிப்பு உள்ளதா என அவ்வப்போது சோதிக்க வேண்டும். 18 மாதத்திற்கு ஒரு முறை ரப்பர் குழாயை மாற்ற வேண்டும்.

கியாஸ் அடுப்பின் ரெகுலேட்டரை திறப்பதற்கு முன்பு தீப்பெட்டி அல்லது லைட்டரை கையில் எடுத்து வைத்துக் கொள்ள வேண்டும்.

சமையல் அறையில் தீ அணைப்பு சிலிண்டரை பொருத்தி வைப்பது நல்லது. காலியான சிலிண்டரையும் அடைத்து வைக்க வேண்டும்.

சமையல் செய்யும் போது நீர் வடிந்து பர்னர் அடைத்துக்கொள்ளும். இதனால் பர்னர் ஒரு புறம் உரியும். மற்றொரு புறம் கியாஸ் வெளியாகிக் கொண்டிருக்கும். எனவே வாரம் அல்லது 10 நாட்களுக்கு ஒருமுறை பர்னரை சுத்தம் செய்ய வேண்டும்.

கியாஸ் அடுப்புக்கு மேலே சுவற்றின் பின் இணைப்புகள் இருக்க கூடாது.