குறுந்தொகை - 359. மருதம் - தோழி கூற்று
(வாயில் பெறாத தலைமகன் மைந்தனும் ஆற்றாமையும் வாயிலாகத்தானே புக்குப் பாயலிற் புதல்வனைத் தழுவிக் கொண்ட காலத்தில் தலைவி ஊடல்தணிந்ததைத் தோழி பாணனுக்குக் கூறியது.)
| கண்டிசிற் பாண பண்புடைத் தம்ம மாலை விரிந்த பசுவெண் ணிலவிற் குறுங்கால் கட்டில் நறும்பூஞ் சேக்கைப் பள்ளி யானையின் உயிர்த்தனன் நசையிற் புதல்வற் றழீஇயினன் விறலவன் |
5 |
| புதல்வன் தாயவன் புறங்கவைஇ யினளே. | |
| - பேயனார். |
பாண! வெற்றியையுடையதலைவன் மாலைக்காலத்திலே விரிந்த இளைய வெள்ளிய நிலாவொளியில் குறிய கால்களையுடையகட்டிலினிடத்தேயுள்ள நறிய மலர் பரப்பிய படுக்கையில் படுத்தலையுடையயானையைப்போலப் பெருமூச்சு விட்டானாகி விருப்பதினால் தன் பிள்ளையைத் தழுவினான் அப்பிள்ளையின் தாயாகிய தலைவி அத்தலைவனது புறத்தைத் தழுவினாள் இதனைப் பார்ப்பாயாக; இச்செயல் அழகையுடையது!
முடிபு: பாண, விறலவன் புதல்வற்றழீஇயினன்; தாய் அவன்புறங்கவைஇயினள்; கண்டிசின்; பண்புடைத்து!
கருத்து: தலைவி புலவி தணிந்தாள்.
தேடல் தொடர்பான தகவல்கள்:
குறுந்தொகை - 359. மருதம் - தோழி கூற்று, இலக்கியங்கள், தோழி, மருதம், தலைவி, குறுந்தொகை, கூற்று, விரிந்த, விறலவன், எட்டுத்தொகை, சங்க